நீங்கள் தேடியது "வைகை அணை"

திண்டுக்கல்:

திண்டுக்கல்லில் பல்வேறு திட்டப்பணிகளுக்கு அடிக்கல் நாட்டுவிழா இன்று நடைபெற்றது. அதில் கலந்து கொள்ள வந்த அமைச்சர் கே.என்.நேரு நிருபர்களுக்கு பேட்டியளித்தார். அப்போது அவர் கூறியதாவது,

திண்டுக்கல்லில் விடுபட்ட பகுதிகளுக்கான பாதாள சாக்கடை திட்டத்திற்கு ரூ.206 கோடி நிதிஒதுக்கீடு செய்யப்பட்டுள்ளது. மேலும் திண்டுக்கல் நகருக்கு கூடுதலாக 18 எம்.எல்.டி தண்ணீர் வழங்க ஏற்பாடு செய்யப்பட்டுள்ளது. காவிரி கூட்டுகுடிநீர் திட்டத்தில் உள்ள பழைய மோட்டார்கள் அகற்றப்பட்டு புதிதாக 268 மோட்டார்கள் அமைக்கப்பட உள்ளன. ரூ.131 கோடி மதிப்பில் பழைய பைப் லைன்கள் அகற்றப்பட்டு புதிய பைப்லைன்கள் அமைக்கப்பட உள்ளது.

இதன்மூலம் 20 எம்.எல்.டி தண்ணீர் கூடுதலாக கிடைக்கும். வைகை அணையில் இருந்து நிலக்கோட்டை, திண்டுக்கல், ஆத்தூர் பகுதிகளுக்கு நேரடியாக குடிநீர் வினியோகம் செய்ய ரூ.680 கோடி மதிப்பில் திட்டமிடப்பட்டுள்ளது. இதற்கான ஆய்வுப்பணிகள் நடைபெற்று வருகிறது. திண்டுக்கல், தேனி மாவட்ட குடிநீர் பிரச்சினையை நிரந்தரமாக தீர்க்க முதலமைச்சர் மு.க.ஸ்டாலின் உத்தரவிட்டுள்ளார். அதன்படி நிதிஒதுக்கீடு செய்யப்பட்டு பணிகள் நடைபெற்று வருகிறது. இவ்வாறு அவர் கூறினார்.

கூடலூர்:

தேனி மாவட்டத்தில் கடந்த சில நாட்களாக தொடர்ந்து கோடைமழை பெய்து வருகிறது. இதனால் அணைகளின் நீர்மட்டம் உயர்ந்து வருகிறது. குறிப்பாக ஆண்டிபட்டி, அருகில் உள்ள 71 அடி உயரமுள்ள வைகை அணையின் நீர்மட்டம், மதுரை கள்ளழகர் கோவில் திருவிழாவிற்காக கூடுதல் தண்ணீர் திறக்கப்பட்டதால் கிடுகிடுவென சரிந்தது.

இந்நிலையில் தற்போது வைகை அணையின் நீர்பிடிப்பு பகுதியில் கனமழை பெய்து வருவதால் நீர்மட்டம் மீண்டும் உயரத் தொடங்கியுள்ளது. இன்று காலை நிலவரப்படி அணையின் நீர்மட்டம் 52.99 அடியாக உள்ளது. நேற்று காலை 229 கனஅடியாக இருந்த நீர்மட்டம் இன்று காலை 784 கனஅடியாக அதிகரித்துள்ளது.

அணையில் இருந்து மதுரை மாநகர குடிநீர் தேவைக்காக மட்டும் 72 கனஅடி நீர் வெளியேற்றப்படுகிறது. நீர் இருப்பு 2409 மி.கனஅடியாக உள்ளது.

முல்லை பெரியாறு அணையின் நீர்மட்டம் 117.80 அடி, வரத்து 413 கனஅடி, திறப்பு 100 கனஅடி, இருப்பு 2221 மி.கனஅடி.

மஞ்சளாறு அணையின் நீர்மட்டம் 41.30 அடி, வரத்து 31 கனஅடி, சோத்துப்பாறை அணையின் நீர்மட்டம் 88.88 அடி, வரத்து 7 கனஅடி, திறப்பு 3 கனஅடி.

கம்பம் அருகில் உள்ள சுருளி அருவியில் கடந்த சில நாட்களாக நீர்வரத்து அதிகரித்து காணப்படுகிறது. இதனால் அருவியில் குளிக்க தடை விதிக்கப்பட்டுள்ளது. இன்று 3வது நாளாக நீர்வரத்து அதிகரிப்பின் காரணமாக சுற்றுலா பயணிகள் குளிக்க வனத்துறையினர் தடை விதித்துள்ளனர். இதனால் அருவிக்கு வந்த பொதுமக்கள் மற்றும் சுற்றுலா பயணிகள் ஏமாற்றத்துடன் திரும்பிச் சென்றனர்.

கூடலூர்:

தேனி மாவட்டம் ஆண்டிபட்டி அருகே உள்ள வைகை அணையின் மொத்த கொள்ளளவு 71 அடியாகும். இந்த அணை மூலம் 5 மாவட்ட விவசாய நிலங்கள் பாசன வசதி பெறுகின்றது. மேலும் தேனி, மதுரை மாவட்ட குடிநீர் ஆதாரமாகவும் உள்ளது. கோடைமழை ஓரளவு கைகொடுத்ததால் அணையின் நீர்மட்டம் சீராக உயர்ந்தது.

மதுரை சித்திரை திருவிழாவிற்காக வருடந்தோறும் மே மாதத்தில் வைகை அணையில் இருந்து தண்ணீர் திறக்கப்படும். அதன்படி கடந்த வாரம் அணையிலிருந்து தண்ணீர் திறக்கப்பட்டது. முதல்நாள் 750 கனஅடி நீர் திறக்கப்பட்டு படிப்படியாக குறைக்கப்பட்டது. பின்னர் மீண்டும் 500 கனஅடி, 822 கனஅடிநீர் என உயர்த்தப்பட்டது. கூடுதல் தண்ணீர் திறப்பால் ஒரு வாரத்தில் அணையின் நீர்மட்டம் 5 அடி குறைந்துள்ளது.

கடந்தவாரம் 57 அடியாக இருந்த நீர்மட்டம் இன்றுகாலை 52.46 அடியாக குறைந்துள்ளது. அணைக்கு 125 கனஅடிநீர் வருகிறது. மதுரை மாநகர குடிநீருக்காக 72 கனஅடிநீர் திறக்கப்படுகிறது.

முல்லைபெரியாறு அணையின் நீர்மட்டம் 117.20 அடியாக உள்ளது. 204 கனஅடிநீர் வருகிறது. 100 கனஅடிநீர் திறக்கப்படுகிறது. மஞ்சளாறு அணையின் நீர்மட்டம் 40.20 அடியாக உள்ளது. 30 கனஅடிநீர் வருகிறது. திறப்பு இல்லை.

சோத்துப்பாறை அணையின் நீர்மட்டம் 86.59 அடியாக உள்ளது. 12 கனஅடிநீர் வருகிறது. 3 கனஅடிநீர் திறக்கப்படுகிறது. தேக்கடியில் 0.2 மி.மீ மழையளவு பதிவாகி உள்ளது.

கூடலூர்:

வளிமண்டல மேலடுக்கு சுழற்சி காரணமாக தேனி மாவட்டத்தில் கடந்த ஒரு வாரமாகவே தொடர் மழை பெய்து வருகிறது. இந்நிலையில் மேற்குதொடர்ச்சி மலையை ஒட்டியுள்ள மாவட்டங்களிலும் கேரளாமாநிலம் இடுக்கி மாவட்டத்திற்கும் கனமழை எச்சரிக்கை விடுக்கப்பட்டுள்ளது.

இதனால் முல்லை பெரியாறு அணையின் நீர்பிடிப்பு பகுதியில் தொடர்ந்து மழை பெய்து வருகிறது. அணையின் நீர்மட்டம் 116.85 அடியாக உள்ளது. வரத்து 517கனஅடி, நீர்திறப்பு 100 கனஅடி, இருப்பு 2060 மி.கனஅடி.

வைகை அணையில் இருந்து மதுரை கள்ளழகர் ஆற்றில் இறங்கும் வைபவத்திற்காக கடந்த 2 நாட்களாக தண்ணீர் திறக்கப்பட்டு வருகிறது. தற்போது மதுரை மாவட்டத்தில் பரவலாக மழை பெய்து வருவதால் இன்று காலை முதல் வைகை அணையில் இருந்து மதுரைக்கு திறக்கப்படும் தண்ணீரின் அளவு குறைக்கப்பட்டுள்ளது. நேற்று வரை 872 கனஅடிதண்ணீர் திறக்கப்பட்டது. இன்று காலை முதல் வைகை அணையில் இருந்து திறக்கப்படும் தண்ணீரின் அளவு 372 கனஅடியாக குறைக்கப்பட்டுள்ளது. நீர்மட்டம் 53.04 அடியாக உள்ளது. இருப்பு 2416 மி.கனஅடி.

மஞ்சளாறு அணையின் நீர்மட்டம் 38.80 அடி, வரத்து 57 கனஅடி, சோத்துப்பாறை அணையின் நீர்மட்டம் 77.90 அடி, வரத்து 96 கனஅடி, திறப்பு 3 கனஅடி.

இந்த அணையின் நீர்மட்டம் தொடர் மழையால் ஒரேநாளில் 10 அடி வரை உயர்ந்துள்ளது குறிப்பிடத்தக்கது.

பெரியாறு 8.4, தேக்கடி 6.4, கூடலூர் 14.2, சண்முகாநதி அணை 22.4, உத்தமபாளையம் 10.6, போடி 14.2, வைகை அணை 2, சோத்துப்பாறை 12, மஞ்சளாறு 2, பெரியகுளம் 3.4, வீரபாண்டி 12.4, அரண்மனைப்புதூர் 4.6, ஆண்டிபட்டி 2.6 மி.மீ மழையளவு பதிவாகி உள்ளது.

கூடலூர்:

முல்லைப்பெரியாறு அணை நீர் பிடிப்பு பகுதியில் கடந்த 1 வாரமாக மழை பெய்தது. இதனால் அணைக்கு நீர் வரத்து அதிகரித்தது. இந்த நிலையில் நேற்று முன்தினம் மழைப்பொழிவு இல்லாததால் அணைக்கு நீர் வரத்து சரியத் தொடங்கியது. இந்த நிலையில் மேற்கு தொடர்ச்சி மலை மற்றும் நீர் பிடிப்பு பகுதியில் மீண்டும் மழை பெய்து வருவதால் அணைக்கு நீர் வரத்து அதிகரித்துள்ளது.

நேற்று 100 கன அடி நீர் வந்த நிலையில் இன்று காலை நீர் வரத்து 418 கன அடியாக உயர்ந்துள்ளது. அணையில் இருந்து தமிழக பகுதிக்கு 100 கன அடி நீர் திறக்கப்படுகிறது. வைகை அணையின் நீர் மட்டம் 53.87 அடியாக உள்ளது. 14 கன அடி நீர் வருகிறது. மதுரையில் சித்திரைத் திருவிழா நடைபெற்று வருகிறது. இதன் முக்கிய நிகழ்வான கள்ளழகர் ஆற்றில் இறங்கும் நிகழ்ச்சி வருகிற 5-ந் தேதி நடைபெறுகிறது. அப்போது தமிழகத்தின் பல்வேறு பகுதிகளில் இருந்து ஏராளமான பக்தர்கள் வருவார்கள். வைகை ஆற்றில் கள்ளழகர் இறங்கும்போது பக்தர்கள் மீது புனித நீர் பீய்ச்சி அடிக்கப்படும். எனவே ஆற்றில் அதிக அளவு தண்ணீர் செல்லும் வகையில் வைகை அணையில் இருந்து கூடுதல் தண்ணீர் வருடம் தோறும் திறக்கப்படுகிறது.

அதன்படி இன்று வைகை அணையில் இருந்து தண்ணீர் திறக்க பொதுப்பணித்துறையினர் திட்டமிட்டுள்ளனர். வினாடிக்கு 750 கன அடி நீர் திறக்கப்பட்டது. அதைத் தொடர்ந்து நீர் திறப்பு 500 கன அடியாகவும் குறைக்கப்பட்டு 4 நாட்களுக்கு பின் நிறுத்தப்படும் என அதிகாரிகள் தெரிவித்தனர்.

இதற்காக அணைப்பகுதியில் உள்ள ஷட்டர், மதகு உள்ளிட்ட இடங்களில் கடந்த 2 நாட்களுக்கு முன்பாக அதிகாரிகள் ஆய்வு செய்தனர்.

மஞ்சளாறு அணையின் நீர் மட்டம் 38.20 அடியாக உள்ளது. 28 கன அடி நீர் வருகிறது. திறப்பு இல்லை. சோத்துப்பாறை அணையின் நீர் மட்டம் 66.58 அடியாக உள்ளது. 49 கன அடி நீர் வருகிறது. 3 கன அடி நீர் திறக்கப்படுகிறது. பெரியாறு 11.2, தேக்கடி 10.2, கூடலூர் 5.6, சண்முகா நதி அ ணை 4.8, உத்தமபாளையம் 1.2, போடி 20.8, வைகை அணை 2.6, சோத்துப்பாறை 8, பெரியகுளம் 6, வீரபாண்டி 7.2, அரண்மனைப்புதூர் 4 மி.மீ மழை அளவு பதிவாகியுள்ளது.

கூடலூர்:

தேனி மாவட்டம் ஆண்டிபட்டி அருகே உள்ள வைகை அணை மூலம் 5 மாவட்ட விவசாய நிலங்கள் பாசனவசதி பெறுகிறது. மேலும் தேனி, மதுரை மாவட்ட முக்கிய குடிநீர் ஆதாரமாக விளங்குகிறது. 71 அடி உயரம் கொண்ட அணையில் சுமார் 5 அடி வரை மணல் உள்ளதால் அணையை தூர்வார வேண்டும் என விவசாயிகள், பொதுமக்கள் கோரிக்கை விடுத்து வருகின்றனர்.

பருவமழையின்போது முழுகொள்ளளவில் இருந்த அணையின் நீர்மட்டம் பாசனத்திற்கு தண்ணீர் திறக்கப்பட்டதால் சீராக குறைந்தது. தற்போது மழைப்பொழிவு முற்றிலும் இல்லாத நிலையில் முல்லைபெரியாறு அணையில் இருந்து கூடுதல் தண்ணீர் திறக்கப்படுவதால் வைகை அணைக்கு நீர்வரத்து 345 கனஅடியாக உள்ளது. இன்று காலை நிலவரப்படி அணையின் நீர்மட்டம் 55.02 அடியாக உள்ளது. அணையிலிருந்து மதுரை மாநகர குடிநீருக்காக 69 கனஅடிநீர் திறக்கப்படுகிறது.

கடந்த ஆண்டு மழை கைகொடுத்ததால் இதேநாளில் அணையின் நீர்மட்டம் 68.55 அடியாக இருந்தது. இதனால் கோடை காலத்தில் குடிநீர் தட்டுப்பாடு ஏற்படவில்லை. தற்போது அணையின் நீர்மட்டம் 13 அடி குறைவாக உள்ளதால் வருங்காலத்தில் குடிநீர் தட்டுப்பாடு ஏற்படுமோ என அச்சம் எழுந்துள்ளது.

பருவமழை கைகொடுத்தால் மட்டுமே இதனை சமாளிக்க முடியும். இருந்தபோதும் பொதுப்பணித்துறை அதிகாரிகள் அணையில் தண்ணீர் தேக்க நடவடிக்கை எடுத்து வருகின்றனர். கம்பம் பள்ளத்தாக்கு பகுதியில் தற்போது 2-ம் போக நெல்சாகுபடி செய்யப்பட்டுள்ளது. கதிர் முற்றிய நிலையில் உள்ளது. அதன்பின்னர் அறுவடை நடைபெறும் என்பதால் பெரியாறு அணையில் இருந்து தண்ணீர் திறப்பு குறைக்கப்படும். இதனால் வைகை அணையின் நீர்மட்டம் மேலும் சரிய வாய்ப்புள்ளது.

எனவே மழை கைகொடுக்க வேண்டும் என பொதுமக்கள் எதிர்பார்த்துள்ளனர்.

முல்லைபெரியாறு அணையின் நீர்மட்டம் 122.75 அடியாக உள்ளது. அணைக்கு 63 கனஅடிநீர் வருகிறது. அணையிலிருந்து 667 நீர் திறக்கப்படுகிறது.

மஞ்சளாறு அணையின் நீர்மட்டம் 45.45 அடியாக உள்ளது. 30 கனஅடிநீர் வருகிறது. 75 கனஅடிநீர் திறக்கப்படுகிறது. சோத்துப்பாறை அணையின் நீர்மட்டம் 69.37 அடியாக உள்ளது. வரத்து இல்லாத நிலையில் 16 கனஅடிநீர் திறக்கப்படுகிறது.

கூடலூர்:

தேனி மாவட்டம் ஆண்டிபட்டி அருகே உள்ள வைகை அணை மூலம் 5 மாவட்ட விவசாய நிலங்கள் பாசன வசதி பெறுகின்றது. 71 அடி உயரம் கொண்ட அணையில் பருவமழையின்போது முழுகொள்ளளவு தண்ணீர் தேக்கப்பட்டது. அதனைதொடர்ந்து மழைப்பொழிவு இல்லாததாலும், கூடுதல் தண்ணீர் பாசனத்திற்கு திறக்கப்பட்டதாலும் அணையின் நீர்மட்டம் வேகமாக சரிந்தது.

இந்நிலையில் கோடைகால குடிநீர் தட்டுப்பாட்டை சமாளிக்க வைகை அணையில் தண்ணீர் தேக்க முடிவு செய்யப்பட்டது. அதன்படி குடிநீருக்கு மட்டும் 69 கனஅடிநீர் திறக்கப்படுகிறது. இதனால் அணையின் நீர்மட்டம் சீராக உயர்ந்து 55.81 அடியாக உயர்ந்துள்ளது. அணைக்கு 531 கனஅடிநீர் வருகிறது.

முல்லைபெரியாறு அணையின் நீர்மட்டம் 124.40 அடியாக உள்ளது. 102 கனஅடிநீர் வருகிறது. 756 கனஅடிநீர் திறக்கப்படுகிறது. மஞ்சளாறு அணையின் நீர்மட்டம் 46.75 அடியாக உள்ளது. 37 கனஅடிநீர் வருகிறது. 75 கனஅடிநீர் திறக்கப்படுகிறது.

சோத்துப்பாறை அணையின் நீர்மட்டம் 81.01 அடியாக உள்ளது. வரத்து இல்லாத நிலையில் 25 கனஅடிநீர் திறக்கப்படுகிறது.

கூடலூர்:

தேனி மாவட்டம் ஆண்டிபட்டி அருகே உள்ள வைகை அணை மூலம் 5 மாவட்ட விவசாய நிலங்கள் பாசன வசதி பெறுகின்றன. மேலும் முக்கிய குடிநீர் ஆதாரமாகவும் உள்ளது. 71 அடி உயரம் கொண்ட அணையில் பருவமழையின்போது முழு கொள்ளளவு தேக்கப்பட்டது.

அதனைத் தொடர்ந்து முதல்போக பாசனம், ஒரு போக பாசனம், 58 கிராம கால்வாய் பாசனம் ஆகியவற்றுக்கு வைகை அணையில் இருந்து தண்ணீர் திறந்து விடப்பட்டது. மேலும் மழைப்பொழிவும் குறைந்ததால் அணையின் நீர்மட்டம் வேகமாக சரிய தொடங்கி உள்ளது.

இன்று காலை நிலவரப்படி அணையின் நீர்மட்டம் 54.07 அடியாக உள்ளது. அணைக்கு 748 கன அடி நீர் வருகிறது. நேற்று வரை பாசனம் மற்றும் குடிநீருக்காக 769 கன அடி நீர் திறக்கப்பட்டது. கோடை காலம் தொடங்க உள்ள நிலையில் பொதுமக்களுக்கு தடையின்றி குடிநீர் வழங்க தண்ணீரை சேமித்து அணையின் நீர்மட்டத்தை உயர்த்த அதிகாரிகள் கண்காணித்து வருகின்றனர். அதன்படி இன்று காலை முதல் பாசனத்திற்கான தண்ணீர் நிறுத்தப்பட்டு குடிநீருக்காக மட்டும் 69 கன அடி நீர் திறக்கப்படுகிறது. முல்லைப்பெரியாறு அணையின் நீர்மட்டம் 126.15 அடியாக உள்ளது. 141 கன அடி நீர் வருகிறது. அணையில் இருந்து 867 கன அடி நீர் வெளியேற்றப்படுகிறது.

மஞ்சளாறு அணையின் நீர்மட்டம் 47.95 அடியாக உள்ளது. 36 கன அடி நீர் வருகிறது. 75 கன அடி நீர் திறக்கப்படுகிறது. சோத்துப்பாறை அணையின் நீர்மட்டம் 91.84 அடியாக உள்ளது. வரத்து இல்லாத நிலையில் 25 கன அடி நீர் திறக்கப்படுகிறது.

கூடலூர்:

தேனி மாவட்டம் ஆண்டிப்பட்டி அருகே உள்ள வைகை அணை மூலம் 5 மாவட்ட விவசாய நிலங்கள் பாசன வசதி பெறுகின்றது. மேலும் மதுரை மாநகர், தேனி, ஆண்டிப்பட்டி, பெரியகுளம், உசிலம்பட்டி, சேடப்பட்டி பகுதி குடிநீர் ஆதாரமாகவும் உள்ளது. 71 அடி உயரம் கொண்ட அணையில் பருவமழையின்போது முழு கொள்ளளவு தண்ணீர் தேக்கப்பட்டது. அதன் பின்னர் பாசனத்துக்கு கூடுதல் தண்ணீர் திறக்கப்பட்டது. மேலும் மழை ஓய்ந்த நிலையில் அணைக்கு நீர்வரத்து சரியத்தொடங்கியது. இதனால் நீர்மட்டமும் வேகமாக குறைந்து வருகிறது.

இன்று காலை நிலவரப்படி அணையின் நீர்மட்டம் 53.44 அடியாக உள்ளது. மேலும் நீர்வரத்து 717 கன அடியாக உள்ளது. கடந்த சில நாட்களுக்கு முன்பு பாசனத்துக்காக தண்ணீர் நிறுத்தப்பட்டது. கோடைகாலம் தொடங்க உள்ள நிலையில் குடிநீர் தட்டுப்பாடு மிகப்பெரிய பிரச்சினையாக உருவெடுத்துள்ளது. எனவே அதனை சமாளிக்க பொதுப்பணிதுறையினர் பல்வேறு நடவடிக்கைகளை எடுத்து வருகின்றனர். அதன்படி வைகை அணையிலிருந்து குடிநீருக்காக மட்டும் தண்ணீர் திறக்க முடிவு செய்யப்பட்டுள்ளது. தண்ணீரை இருப்பு வைத்து நீர்மட்டத்தை உயர்த்தும் வகையில் முல்லைப்பெரியாறு அணையில் கூடுதல் தண்ணீர் திறக்கப்பட்டுள்ளது.

பருவமழை ஜூன் மாதம்தான் தொடங்கும், எனவே தண்ணீரை சிக்கனமாக பயன்படுத்த அதிகாரிகள் திட்டமிட்டுள்ளனர்.

முல்லைப்பெரியாறு அணையின் நீர் மட்டம் 128.45 அடியாக உள்ளது. 124 கன அடி நீர் வருகிறது. 967 கன அடி நீர் திறக்கப்படுகிறது. மஞ்சளாறு அணையின் நீர் மட்டம் 49.35 அடியாக உள்ளது. 39 கன அடி நீர் வருகிறது. 80 கன அடி நீர் திறக்கப்படுகிறது. சோத்துப்பாறை அணையின் நீர் மட்டம் 102.34 அடியாக உள்ளது. வரத்து இல்லாத நிலையில் 25 கனஅடி நீர் திறக்கப்படுகிறது.

கூடலூர்:

தேனி மாவட்டம் ஆண்டிபட்டி அருகே உள்ள வைகை அணை மூலம் 5 மாவட்ட விவசாய நிலங்கள் பாசன வசதி பெறுகிறது. பருவமழை கைகொடுத்ததால் 71 அடி உயரம் கொண்ட அணையில் முழுகொள்ளளவு தண்ணீர் தேக்கப்பட்டது. அதனைதொடர்ந்து சிவகங்கை, ராமநாதபுரம் மாவட்ட விவசாய பாசனத்திற்கு தண்ணீர் திறக்கப்பட்டது.

நீர்வரத்தை பொறுத்து அணையிலிருந்து தண்ணீர் திறப்பை அதிகரித்தும், குறைத்தும் அதிகாரிகள் கண்காணித்து வருகின்றனர். இந்த நிலையில் நேற்று காலை நிலவரப்படி 52.66 அடியாக இருந்த நீர்மட்டம் பாசனத்திற்கு தண்ணீர் நிறுத்தப்பட்டதால் தற்போது 53.08 அடியாக உயர்ந்துள்ளது. 821 கனஅடிநீர் வருகிறது. மதுரை மாநகர குடிநீருக்காக 69 கனஅடிநீர் திறக்கப்படுகிறது. இருப்பு 2423 மி.கனஅடியாக உள்ளது.

152 அடி உயரம் கொண்டுள்ள முல்லைபெரியாறு அணையில் உச்சநீதிமன்ற அறிவுறுத்தலின்பேரில் 142 அடிவரை தண்ணீர் தேக்கப்படுகிறது. அதன்படி அணையின் நீர்மட்டம் 128.80 அடியாக உள்ளது. அணைக்கு 182 கனஅடிநீர் வருகிறது. 1033 கனஅடிநீர் திறக்கப்படுகிறது. இருப்பு 4439 மி.கனஅடியாக உள்ளது.

மஞ்சளாறு அணையின் நீர்மட்டம் 49.55அடியாக உள்ளது. 38 கனஅடிநீர் வருகிறது. 80 கனஅடிநீர் திறக்கப்படுகிறது. இருப்பு 330.71 மி.கனஅடியாக உள்ளது. சோத்துப்பாறை அணையின் நீர்மட்டம் 103.32 அடியாக உள்ளது. வரத்து இல்லை. 25 கனஅடிநீர் திறக்கப்படுகிறது. இருப்பு 65.10 மி.கனஅடியாக உள்ளது.

கூடலூர்:

முல்லை பெரியாறு அணை மூலம் தமிழகத்தில் 5 மாவட்ட விவசாய நிலங்கள் பாசனவசதி பெறுகின்றது. 152 அடி உயரம் கொண்ட அணையில் 142 அடிவரை தண்ணீர் தேக்கி கொள்ள உச்சநீதிமன்றம் அனுமதி வழங்கியுள்ளது. இதற்கு கேரள அரசு பல்வேறு முட்டுக்கட்டை போட்டுவந்தபோதும் பருவமழை காலங்களின் போது 142 அடிவரை தண்ணீர் தேக்கப்பட்டு அணையின் பலம் நிரூபிக்கப்பட்டு வருகிறது.

தற்போது நீர்பிடிப்பு பகுதியில் மழை குறைந்ததால் அணைக்கு 89 கனஅடிநீர் மட்டுமே வருகிறது. ஆனால் தமிழக பகுதிக்கு 1867 கனஅடிநீர் திறக்கப்பட்டு வருகிறது. இதனால் நீர்மட்டம் 139.40 அடியாக சரிந்துள்ளது.

71 அடி உயரம் கொண்ட வைகை அணையில் 69 அடிக்கு மேல் தண்ணீர் தேக்கப்பட்ட நிலையில் பாசனத்திற்கு கூடுதல் தண்ணீர் திறக்கப்பட்டது. மழை நின்றபோதும் தண்ணீர்திறப்பு அதிகரிக்கப்பட்டதால் தற்போது அணையின் நீர்மட்டம் வேகமாக சரிந்து 52.56 அடியாக குறைந்துள்ளது. அணைக்கு 667 கனஅடிநீர் வருகிறது. மதுரை மாநகர குடிநீர் மற்றும் பாசனத்திற்காக 2669 கனஅடி நீர் திறக்கப்படுகிறது.

மஞ்சளாறு அணையின் நீர்மட்டம் 53.80 அடியாக உள்ளது. 34 கனஅடிநீர் வருகிறது. 30 கனஅடிநீர் திறக்கப்படுகிறது. சோத்துப்பாறை அணையின் நீர்மட்டம் 121.85 அடியாக உள்ளது. 8 கனஅடிநீர் வருகிறது. 27 கனஅடிநீர் திறக்கப்படுகிறது. மழை எங்கும் இல்லை.

கூடலூர்:

தேனி மாவட்டம் ஆண்டிபட்டி அருகில் உள்ள வைகைஅணையின் மூலம் 5 மாவட்ட விவசாய நிலங்கள் பாசனவசதி பெறுகின்றது. 71 அடி உயரம் கொண்ட அணையில் தொடர்ந்து தண்ணீர் திறப்பு அதிகரி க்கப்பட்டு வருவதால் அணையின் நீர்மட்டம் 56.53 அடியாக சரிந்து ள்ளது. இருந்தபோதும் ராமநாதபுரம், சிவகங்கை மாவட்ட பாசனத்திற்காக திறக்கப்படும் தண்ணீரின் அளவு அதிகரிக்கப்ப ட்டுள்ளது.

இன்று காலை நிலவரப்படி பாசனத்திற்கு 5000 கனஅடியும், மதுரை மாநகர குடிநீருக்கு 69 கனஅடியும் என மொத்தம் 5069 கனஅடிநீர் திறக்கப்படுகிறது.

முல்லைபெரியாறு அணையின் நீர்மட்டம் 140.25 அடியாக உள்ளது. 274 கனஅடிநீர் வருகிறது. 511 கனஅடிநீர் திறக்கப்படு கிறது. மஞ்சளாறு அணையின் நீர்மட்டம் 54.40 அடியாக உள்ளது. 33 கனஅடிநீர் வருகிறது. 30 கனஅடிநீர் திறக்கப்படு கிறது.

சோத்துப்பாறை அணையின் நீர்மட்டம் 123.66 அடியாக உள்ளது. 17 கனஅடிநீர் வருகிறது. 27 கனஅடிநீர் திறக்கப்படு கிறது. மழை எங்கும் இல்லை.